प्रसिद्ध घोडाघोडी ताल कैलाली जिल्लाको रामशिखर झाला गा.वि.स.मा पर्दछ । १३८ हेक्टर क्षेत्रफलमा फैलिएको यो ताल नेपालको प्रसिद्ध रामसार क्षेत्रका रूपमा परिचित छ । यस क्षेत्रमा ४५० प्रजातिका वनस्पति र २९ प्रजातिका माछा पाइन्छन् । यो ताल घोडाको आकारको देखिन्छ । यो ताल ९ वटा तालहरूको समूह हो, जसमा १९ वटा कुना छन् । घोडाघोडी ताल प्राकृतिक र जैविक विविधता तथा पर्यटकीय दृष्टिले ज्यादै महत्वपूर्ण छ । यो क्षेत्र धार्मिक र सांस्कृतिक दृष्टिले पनि उल्लेखनीय छ । स्थानीय जनमानसमा प्रचलित एउटा किंवदन्ती अनुसार, परापूर्वकालमा शिव र पार्वती घोडा र घोडीमा चढेर यहाँ घुम्न आएका थिए । यसै क्रममा उनीहरू चढेका घोडा र घोडी यहाँ मरेका हुनाले ताल क्षेत्रलाई घोडाघोडी भनिएको हो । अर्को किंवदन्ती अनुसार, शिव र पार्वती घोडा र घोडीको रूप धारण गरी यहाँ घुम्न आएकाले तालको नाम घोडाघोडी रहन गएको हो । त्यही मान्यता अनुसार यहाँ घोडाघोडी महादेवी मन्दिर पनि छ ।

यो क्षेत्र परापूर्वकालमा गाउँ रहेको जनविश्वास पनि छ । एक जना थारूले गाउँ पानीमा डुब्ने सपना देखे । त्यही अनुसार गाउँ डुबी घोडाघोडी ताल बनेको विवरण पाइन्छ । यस स्थानमा बेलाबेलामा माटाका घोडा र घोडी देखिने विश्वास पनि जनमानसमा छ । घोडाघोडी ताल क्षेत्रमा वि.सं. २०६० सालमा मोहन्याल बाबाको मन्दिर निर्माण गरी भूमि देवताको पूजाआजा गरिएको थियो । यस क्षेत्रमा सीताकुण्ड नामक पवित्र स्थल छ । यसैबाट घोडाघोडी क्षेत्रमा पानी जमेर सिमसार बनेको विवरण पाइन्छ । घोडाघोडी ताल क्षेत्रमा केही देवीदेवताका मठमन्दिर पनि छन् । यहाँ माघे संक्रान्तिमा ठूलो मेला लाग्दछ ।

 

Situated in Ram Shikhar VDC of Kailali District, the Ghodaghodi Lake gets its name from its shape -- a ghoda being a horse. Apart from its ecological and natural importance, the lake is also of great cultural and religious significance.

According to one legend, Lord Shiva and the Goddess Parvati are said to have visited the area on horseback and that the horses died here. Another legend states that in earlier times a village existed in the same place where the lake is now, and that it was covered with after a Tharu boy dreamt of the incident.

A big fair is organized at Ghodaghodi during the festival of Makar Sankranti. People also visit the place to worship at a nearby pond named Sita Kunda and at the temple of Mohanyal Baba, which was built in 2003 AD.