पुसको जाडो होस् वा भदौरे गर्मी
बानी परेछ झ्यालमा बसेर बाहिर हेर्ने
कतै देखिन्छ कि तिम्रो सुन्दर आकृति
भन्छिन कि मै हुँ उनी तिम्री भनेर प्रकृति
चन्द्रको छायांमा होस् वा कन्चन पानीमा
फुलको सुवासमा होस वा सबिताको लालीमा
पातलाे शरीर अनि मिलेका लामा परेली
मेघझैं तिम्रा कपालले भुलाउँछ मलाई गोधुली
तिम्रो स्पर्सले दिएको स्वर्गीय आमोद
अनि चुम्वनले दिएको असिम प्रमोद
खोज्छ मेरो मन अनि तनले हरपल
पाईलाका छनछन दिमागमा बज्छ पलपल
२०१६ जनवरी ९
भैंसेपाटी